Is é seo a leanas struchtúr na bPleananna Teagaisc & Foghlama:
Aidhmeanna Cuntas ar a bhfuil an ceacht, nó an tsraith ceachtanna, ag iarraidh a bhaint amach. Luaitear Réamheolas, eolas ábhartha a bheadh ag daltaí cheana nó eolas a bheadh riachtanach chun tacú leo dul i ngleic leis an topaic nua seo.
Torthaí Foghlama Cur síos ar a mbeidh dalta in ann a dhéanamh, agus ar eolas agus ar thuiscint an dalta faoin am a mbeidh an topaic curtha i gcrích. Tagraíonn Gaol leis an Siollabas don rannóg ábhartha i Siollabas an Teastais Shóisearaigh agus/no i Siollabas na hArdteistiméireachta.
Acmhainní a Theastaíonn Liosta acmhainní a theastaíonn le topaic a theagasc agus a fhoghlaim. Buneolas ar an Topaic (i gcuid de na pleananna): Cur chuige leis an topaic a chur i láthair.
Idirghníomhú sa Cheacht Ceithre fho-theideal atá i gceist:
i. Tascanna Foghlama an Dalta – Ionchur an Mhúinteora: Rannóg a dhíríonn ar ionchur an mhúinteora. Tugtar sonraí ann d'eochairthascanna na ndaltaí, agus de cheisteanna a chuirfeadh múinteoir leis an gceacht a bhogadh chun cinn.
ii. Gníomhaíochtaí Daltaí – Freagairtí Tuartha agus Féideartha: Aiseolas a bhféadfaí a bheith ag súil leis ó dhaltaí; freagraí féideartha; míthuiscintí a bhíonn ar dhaltaí uaireanta.
iii. Tacaíocht agus Gníomhú an Mhúinteora: Sonraí de ghníomhú múinteora atá ceaptha tacú agus cuidiú le foghlaim na ndaltaí.
iv. Seiceáil Tuisceana: Moltaí faoi cheisteanna luachála a d'fhéadfadh múinteoir a chur, féachaint an bhfuil spriocanna/torthaí foghlama á mbaint amach/bainte amach. Feidhmeoidh an luacháil sin mar bhonn eolais agus treoir do na gníomhaíochtaí teagaisc agus foghlama sa chéad (chúpla) rang eile.
Gníomhaíochtaí Daltaí: Gníomhaíochtaí a thugtar i ndeireadh gach plean, agus gaol acu leis na ceachtanna.
Buíon Forbartha an Tionscadail Mhata a rinne na Pleananna Teagaisc agus Foghlama seo a leanas a dhearadh.
An Ciogal Sinsearach |
An Ciogal Sóisearach |
|
